Trazirat në jetën politike në Serbi lidhen me Kosovën, konkretisht me planin franko-gjerman i cili Vuçiqit i ngeli në dorë lapsi për nënshkrimin e saj. Situata gjeopolitike në rajon, lufta në Ukrainë me Rusinë e izoluar nga bota ka ndikuar dukshëm në zhvillimet edhe në Serbi lidhur me Kosovën dhe jetën e brendshme atje. Përplasjet opozitë-pozitë kanë quar në përplasje me disa deputetë atje që ankohen për mungesë demokr
acie dhe afrimin e vlerave evropiane të cilat vet Vuçiqi i bllokon. Po zihet nga vet brenda Serbisë, a mundet pezmi i brendshëm të shpërthejë në konflikt me Kosovën?! Praktikisht duket e vështirë me trupat e KFOR-it në Kosovë, por sulmet nuk mund edhe të përjashtohen. Vuçiqi me zgjedhjet në Serbi po mundohet të fitojë kohë për nënshkrimin e marrëveshjes, nga e cila Kosova fiton ulëse në OKB duke legjitimuar përfundimisht pavarësinë e saj në nivelin më të lartë botëror. I mësuar nga ish mentori i tij Millosheviq, Aleksandër Vuçiq mund të përdor tensionet, konfliktet për të mbetur në pushtet dhe për t'iu shmangur nënshkrimit të marrëveshjes në fjalë.
Pas përfundimit të zgjedhjeve në Serbi, në muajin shkurt që thuhet të jetë vendosur si data e fundit nga ndërkombëtarët për nënshkrimin e marrëveshjes, eskalimi i situatës në Veri e më pas në të gjitha vendet ku serbet janë shumicë në Kosovë është shumë i mundur të ndodh. Nuk përjashtohet mundësia e konflikti të madh, nëse s’ka Asociacion pra nënshkrim të marrëveshjes së pranuar nga Kurti e të paraqitur nga ndërkombëtarët nën ombrellën e planit franko-gjerman, mundësia për konflikt është shumë e madhe.
Sigurisht kjo edhe do të mbështetet nga Rusia, e avantazhuar për largim e botës nga lufta me Ukrainën, çka edhe e ndezi luftën në Izrael. Ky skenar mund të ndodh, realisht më afër duket lufta se marrëveshja, nuk duhet befasuar kur dihet kush është Vuçiqi.
