Nuk e dimë pse VMRO-ja e Mickoskit aq shumë kritikon e nuk pajtohet me kryeministrin teknik Talat Xhaferin e BDI-së.
Pse kjo parti maqedonase e ka kapur shumë tragjike këtë marrëveshje politike të dy partive në pushtet LSDM dhe BDI që Talat Xhaferi të jetë kryeministër teknik vëtëm gjatë tre muajve parazgjedhore e zgjedhore parlamentare.
Pse Mickoski nuk tregon se gjatë mocionit për rrezimin e qeverisë me nënshkrimin e 61 deputeteve opozitare maqedonase-shqiptare kishte bërë marrëveshje të fshehtë me Taravarin, se, nëse rrëzohet qeveria LSDM-BDI, postin e kryeministrit të RMV-së Mickoski do ia jepte partisë së Taravarit, ASH-së, por fati i keq i mosrealizimit të marrëveshjes së VMRO-së me ASH-së për kryeministër legjitim shqiptar ishte mosprezenca e qëllimshme e Kastriot Rexhepit në parlament për të shpëtuar e vazhduar qeverisjen LSDM-së me BDI-në.
Duhet cekur e rikujtuar s'e propozimi fillestar për kryeministër shqiptar doli nga vetë ish-krytari i VMRO-së, Nikolla Gruevski.
I cili pas zgjedhjeve parlamentate më 2016, nga frika e bombave telefonike korruptive i kishte propozuar Ali Ahmetit që nëse BDI-ja koalicionon me VMRO-në Gruevski do ia jepte Ahmetit postin më të lartë të kryeministrit vetëm që BDI-ja mos të koaliciononte me LSDM-në e Zajevit që të shpëtonte Gruevski nga akuzat gjyqësore.