Trysnia për të lejuar mbajtjen e zgjedhjeve të Serbisë në Kosovë, po rritet ndaj institucioneve të Kosovës. Ndërkohë, opozita, pas miratimit të rezolutës së Kuvendit, muajin e kaluar për ndalimin e mbajtjes së referendumit, po këmbëngulë që mos të lejohet as mbajtja e zgjedhjeve të Serbisë.
Të shtunën këshilltari Special i Departamentit të Shtetit Amerikan, Derek Chollet, ka njoftuar se kishte pasur një bisedë telefonike me kryeministrin e Kosovës, Albin Kurtin.
Ai gjatë bisedës ka theksuar se qëndrojnë në mbështetje të plotë dhe të palëkundur për sovranitetin e Kosovës. Por, temë e bisedës siç thekson ai ishin zgjedhjet në Serbi, të cilat do të mbahen më 3 prill.
“Telefonatë fantastike me kryeministrin Albin Kurti. Rikonfirmova mbështetjen e palëkundur për sovranitetin e Kosovës. Përpara kemi zgjedhjet e Serbisë në prill, u diskutuan rastet kur shtetet e OSBE-së i kanë pranuar kërkesat e shteteve të tjera për t’u lejuar votimi fizikisht”, ka shkruar Chollet.
Por, a duhet lejuar të mbahen zgjedhjet e Serbisë në territorin e Kosovës?
Juristët vlerësojnë se një gjë e tillë nuk duhet lejuar në Kosovë.
Kelmendi: Zgjedhjet serbe nuk duhet të organizohen nga Republika e Kosovës
Trysnia për të lejuar mbajtjen e zgjedhjeve të Serbisë në Kosovë, po rritet ndaj institucioneve të Kosovës. Ndërkohë, opozita, pas miratimit të rezolutës së Kuvendit, muajin e kaluar për ndalimin e mbajtjes së referendumit, po këmbëngulë që mos të lejohet as mbajtja e zgjedhjeve të Serbisë.
Të shtunën këshilltari Special i Departamentit të Shtetit Amerikan, Derek Chollet, ka njoftuar se kishte pasur një bisedë telefonike me kryeministrin e Kosovës, Albin Kurtin.
Ai gjatë bisedës ka theksuar se qëndrojnë në mbështetje të plotë dhe të palëkundur për sovranitetin e Kosovës. Por, temë e bisedës siç thekson ai ishin zgjedhjet në Serbi, të cilat do të mbahen më 3 prill.
“Telefonatë fantastike me kryeministrin Albin Kurti. Rikonfirmova mbështetjen e palëkundur për sovranitetin e Kosovës. Përpara kemi zgjedhjet e Serbisë në prill, u diskutuan rastet kur shtetet e OSBE-së i kanë pranuar kërkesat e shteteve të tjera për t’u lejuar votimi fizikisht”, ka shkruar Chollet.
Por, a duhet lejuar të mbahen zgjedhjet e Serbisë në territorin e Kosovës?
Juristët vlerësojnë se një gjë e tillë nuk duhet lejuar në Kosovë.
Kelmendi: Zgjedhjet serbe nuk duhet të organizohen nga Republika e Kosovës
Juristi Muhamet Kelmendi
Juristi Muhamet Kelmendi në një përgjigje për “Bota sot” thotë se mbajtja e zgjedhjeve serbe në Kosovë varet nga qëndrimi i SHBA-ve, edhe pse ka hedhur poshtë idenë që OSBE-ja organizon zgjedhjet për shtetin tjetër me shtetin tjetër sovran.
“A do të mbahen apo jo zgjedhjet serbe në Kosovë varet shumë nga qëndrimi i SHBA-ve. Mirëpo, duhet thënë se nuk është fakt se OSBE-ja organizon zgjedhje në shtetet tjera për ndonjë shtet. Natyrisht se është e pa vërtetë se OSBE-ja organizon zgjedhjet për shtetin tjetër me shtetin tjetër sovran”, thotë ai.
Ai thotë që zgjedhjet duhet të mbahen nëpër përfaqësi sepse mundësi tjetër nuk ka.
“Zgjedhjet mbahen nëpër përfaqësi të shtetit dhe jo nga shteti. Çdo shtet organizon vetëm zgjedhjet e veta parlamentare a lokale. Shteti nuk organizon zgjedhje dhe nuk i interesojnë fare zgjedhjet e shtetit tjetër. Në këtë kontekst nuk duhet Kosova të merret me zgjedhjet serbe dhe serbët që kanë shtetësi serbe, mund dhe duhet që në përfaqësinë e tyre të votojnë. Mundësi tjetër nuk ka”, përmbylli ai.
Burjani: Kosova nuk ka asnjë obligim ndaj Serbisë
Juristi Blerim Burjan
Edhe juristi Blerim Burjani thotë se Kosova nuk ka asnjë marrëveshje me Serbinë sa i përket kësaj teme, madje sipas tij, Kosova nuk ka asnjë obligim ndaj shtetit serb.
“Se besoj, Kosova nuk ka asnjë obligim ndaj Serbisë, asnjë marrëveshje nuk e ka me Kosovën për këtë temë, thjesht Serbia dëshiron të shfrytëzoj prezencën e OSBE-së për tema të saj dhe për të gënjyer popullin serb se Kosova ende ndërkombëtarisht nuk është shkëputë”, thotë ai.
Ai thotë se kjo temë ka përfunduar duke shtuar se shteti serb nuk është shtet me veti normale sepse ende është agresor.
“Serbia nuk është një shtet me veti normale shtetërore, është ende agresore, agresion i saj gjithmonë është i njëjtë ose përmes organizimit të ndonjë ngjarje në Kosovë ose për të kërkuar ndarjen dhe gjëra që i konvenojnë, mendoj se kjo temë ka përfunduar, nëse ngrit kapacitetet e zyrës së saj në Kosovë mund ta bëjë përmes zyrës së saj, madje tepri që Kosova nuk do të ndalojë edhe atë zyrë të mbaj zgjedhje të Serbisë në Kosovë”, shprehet juristi.
Në fund, Burjani shton se Kosova duhet ta obligojë Serbinë që të pranojë edhe dy shtetësinë e shqiptarëve të Luginës së Preshevës.
Dhe, për këtë temë thotë që Kurti dhe qeveria duhet të jenë më të shpejtë sepse për momentin janë të ngadaltë në këtë drejtim.
“Tani Kosova duhet sa më parë të njohë shqiptarëve të drejtën për të marrë shtetësi të Kosovës, duke e obliguar Serbinë të pranojë edhe dy shtetësinë e shqiptarëve të Luginës së Preshevës. Kurti dhe kjo Qeveri shumë e ngadaltë në këtë temë për të krijuar përnjëmend një reciprocitet ndërshtetëror”, përfundon Blerim Burjani për “Bota sot”.