Gjykata në Kralevë ka marrë vendim për lirimin e tre policëve të Kosovës që ishin rrëmbyer nga forcat serbe me 14 qershor.
Vendimi për lirim është marrë gjatë ditës së djeshme.
Rifat Zeka, Beqir Sefi e Mustafë Shemi, ishin arrestuar më 14 qershor.
E në lidhje me këtë temë në një prononcim për “Bota sot”, ka folur analisti politik Skënder Mulliqi.
Ai u shpreh që këto arrestime u bënë nga ana e Serbisë si hakmarrje që u arrestuan serbët.
Sipas tij, kidnapimi brutal i tre policëve dhe më pastaj lirimi nga ana e Serbisë , është bërë kryekëput për të arritur objektiva favorizuese në fazën e dialogut më Kosovën.
“Pati qëndrime kontradiktore për arrestimin e tre policëve të Kosovës në veri. Kosova nuk e konsiderojë arrestim, por kidnapim të tre policeve të Kosovës, gjë që është edhe e saktë. Kurse në anën tjetër Serbia kishte manipuluar më opinion edhe ndërkombëtar, duke thënë së tre policët e Kosovës ishin arrestuar në brendi të kufirit më Serbinë. Këto arrestime nga ana e pushtetit shovinist serb u bën si hakmarrje ndaj dy të arrestuarve kriminelëve serbe në veri, të cilët kishin vepruar më akte terroriste në protesta, kundër Policisë të Kosovës dhe ndaj KFOR-it duke i lënduar edhe shumë prej tyre. Pse atë ditë të kidnapimit brenda kufirit të Kosovës , nuk veproj KFOR-si përgjegjës për ruajtjen e kufirit, sot e atë ditë nuk patëm ndonjë deklarim konkret nga ana e tyre. Por, diçka dihet në gjithë këtë mesele të tolerancës të veprimeve subversive të bandave serbe dhe ruse në veri, nga faktori ndërkombëtar, mbetet e pa shpjegueshme .E dihet së ndarja mbi baza etnike të Kosovës, do nxisë vargun e shkëputjeve të tjera mbi baza etnike në rajon. E këto shkëputje zinxhirore sjellin luftë. Kidnapimi brutal i tre policëve dhe më pastaj lirimi nga ana e Serbisë, është bërë kryekëput për të arritur objektiva favorizuese në fazën e dialogut më Kosovën”, u shpreh analisti.
Më tej, ai thekson që Vuqiqi tash sigurisht do të ndihet edhe më komod në bisedime së gjoja ju ka bërë shërbim ndërkombëtarëve dhe Kosovës më lirimin e tre policëve të kidnapuar.
“Lirimi u bë më ndërmjetësimin e ndërkombëtarëve , gjë që ka qenë edhe skenarë I menduar mirë nga Vuqiqi, për tu paraqitur si burrë i mirë dhe kooperues më ndërkombëtar, gjë që gjoja këtë punë nuk po e bën Kosova e Kurtit. Vuqiqi tash sigurisht do të ndihet edhe më komod në bisedime së gjoja ju ka bërë shërbim ndërkombëtarëve dhe Kosovës më lirimin e tre policëve të kidnapuar. Ai këtë rast dhe rebelimin e një pjese të minoritetit serb në veri, do të shfrytëzon të kërkojë edhe më me ngulm implementimin e Asociacionit të komunave më shumicë serbe”, shtoi ai.
Në fund, analisti thekson që pala e Kosovës nuk ka pse e falënderon dikë për lirimin e policëve pasi kidnapimi i policëve ishte kundërligjshëm.
“Pala e Kosovës , nuk ka tek e fundit çka e falënderon askënd, për lirimin e policëve tanë, kur dihet së edhe më norma ndërkombëtare një veprim i tillë i kidnapimit ishte dashur të këtë reperkusione të rënda politike, por edhe të tjera për Serbinë fashiste të Vuqiqit”, përfundoi Mulliqi për “Bota sot”.