Ismaili: Pas propozimit të PDK-së, trafiku urban falas në Prishtinë

Prishtina

Ismaili: Pas propozimit të PDK-së, trafiku urban falas në Prishtinë

Më: 1 dhjetor 2020 Në ora: 11:47
Uran Ismaili

Nga sot Komuna e Prishtinës do të ofrojë shërbimet e Trafikut Urban falas për të gjithë qytetarët që udhëtojnë në Prishtinë.

Ky vendim është marrë me propozim të grupit të asamblistëve të PDK-së në Prishtinë dhe është votuar nga shumica e asamblistëve të Kuvendit Komunal të Prishtinës.

Kryetari i Degës së PDK-së në Prishtinë, Uran Ismaili, përmes një postimi në Facebook është shprehur i kënaqur që propozimi i kësaj partie ka gjetur zbatim dhe do të jetësohet në të mirë të qytetarëve.

“Një ide e mirë e Degës së PDK-së në Prishtinë po jetësohet. Pasi u votua propozimi ynë nga Asambleja Komunale, tash trafiku urban në Prishtinë është pa pagesë. Një hap i rëndësishëm ky që i ndihmon qytetarët, kursen xhepin e tyre, ruan shëndetin dhe inkurajon transportin publik. Me politika të mira, ndreqet Kryeqyteti. Falënderoj të gjitha partitë politike që mbështetën këtë propozim.”, ka shkruar Ismaili.

Shfaq komentet
comments powered by Disqus
Sot mund të lexoni Shfletoni kopertinat