Tash e tri ditë banorët e Arbërisë thonë se janë pa ujë, KRU “Prishtina” dërgon ekipet ku është dëmtuar gypi i ujësjellësit

Prishtina

Tash e tri ditë banorët e Arbërisë thonë se janë pa ujë, KRU “Prishtina” dërgon ekipet ku është dëmtuar gypi i ujësjellësit

Më: 23 shkurt 2021 Në ora: 16:28
Foto ilustrim

Tash e tri ditë qytetarët që jetojnë në rrugën “Ahmet Krasniqi” në Arbëri nuk kanë furnizim me ujë të pijshëm.

Kështu kanë deklaruar qytetarët, ku janë ankuar se tash e tri ditë nuk kanë ujë, sipas tyre për shkak të punimeve që janë bërë në këtë rrugë.

Zëdhënësja e KRU, “Prishtina”, Arjeta Mjeku në një përgjigje ka thënë se ekipet janë dërguar në vendin e ngjarjes.

Sipas saj, palët e treta e kanë dëmtuar një gyp të ujësjellësit.

“Si duket palë të treta kanë dëmtuar një gyp të ujësjellësit. Informata nga qytetarët është marrë nga despiqeria, derisa ekipet e operimit dhe mirëmbajtjes para pak çastesh kanë shkuar në vendin e ngjarjes që të saktësojnë natyrën e defektit”, tha Mjeku.

Shfaq komentet
comments powered by Disqus
Sot mund të lexoni Shfletoni kopertinat