Rënia e temperaturave dhe djegia e pakontrolluar e thëngjillit po shkaktojnë ndotje të madhe të ajrit në Prishtinë.
Në të dhënat e fundit të ofruara nga instrumenti matës i ambasadës amerikane, bëhet e ditur se niveli i ndotjes në kryeqytet, aktualisht është 250 Ppm.
Kësisoj, Prishtina gjindet në vendin e pestë në botë për ndotje të ajrit.
Një nivel i tillë ndotës, konsiderohet si shumë i pashëndetshëm për njeriun.
Kujtojmë, se në kuadër të ndalimit të situatës me ajrin e ndotur në kryeqytet, Qeveria ka marrë vendim që thëngjilli mos të përdoret si lëndë djegëse nëpër institucionet publike.
Po ashtu, shitja e kësaj lënde është ndaluar nga ministria e Mjedisit, megjithëse një gjë e tillë po vazhdon të ndodhë ilegalisht.