Mjalti është një ushqim i prodhuar nga bletët. Ai ka një shije shumë të ëmbël të ngjashme me sheqerin. Mjalti përdoret, pjesërisht, si ushqim nga bletët dhe pjesa e mbetur shndërrohet në dyllë blete.
Ekzistojnë lloje të ndryshme të mjaltit, më të njohurit janë: akacia, gështenja, portokalli, eukalipt dhe lulja e egër. Mjalti është një produkt që reziston gjatë, madje mund të ruhet për disa vjet, veçanërisht nëse ruhet në një enë të errët, larg lagështisë, dritës dhe burimeve të nxehtësisë. Nëse filloni ta merrni çdo ditë mund të keni shumë përfitime. Por çfarë ndodh nëse hani mjaltë gjatë gjithë ditës?
Përfitimet e mjaltit
Lëkura bëhet më e pastër: mjalti ka aftësinë të veprojë si antioksidant. Nëse konsumohet çdo ditë, trupi pastrohet më shpejt nga toksinat. Për më tepër, mjalti ka veti antibakteriale që mund të përmirësojnë pamjen e lëkurës, duke parandaluar dhe luftuar aknet.
Mjalti ju ndihmon të humbni peshë: megjithëse zakonisht nuk rekomandohet të konsumoni sheqer kur ndiqni një dietë, kjo nuk është e vërtetë për mjaltin. Kjo pasi ngrënia e mjaltit përshpejton metabolizmin tuaj.
Rregullon nivelet e kolesterolit: Mjalti është një ushqim që nuk përmban kolesterol. Për më tepër, duke qenë i pasur me vitamina dhe minerale, ai ndihmon në uljen e përqendrimit të kolesterolit të keq në gjak.
Mjalti ndihmon në luftimin e stresit, vepron si antioksidant dhe përmirëson aftësitë e kujtesës. Mjalti është i pasur me kalcium, i cili asimilohet nga trupi dhe bën që truri të reagojë si duhet.
Parandalon problemet e stomakut: Mjalti ka veti të fuqishme antiseptike. Këshilla është që çdo ditë të merrni një lugë gjelle mjaltë esëll.
Mjalti qetëson nervat dhe zvogëlon lodhjen: falë glukozës që përmbahet në mjaltë do të jetë më e lehtë për t’u çlodhur. Mjalti është gjithashtu i dobishëm për zvogëlimin e krizave dhe trajtimin e sëmundjeve të psikikës.
Mjalti është një laksativ natyral: është delikat por shumë efektiv, për shkak të përmbajtes së tij shumë të lartë të frukto-oligosakarideve. Kur arrin në zorrën e trashë, mjalti vepron në një mënyrë të ngjashme me fibrat bimore dhe në këtë mënyrë ushtron një efekt të butë laksativ.
Përfundime
Si përfundim, mund të argumentohet pa asnjë dyshim se ngrënia e mjaltit çdo ditë sjell përfitime të ndryshme për trupin tonë. Për më tepër, mjalti nuk paraqet probleme ose kundërindikacione, përveç rasteve të veçanta. Për shembull, përdorimi i tij në rast të alergjive ose intolerancës është i ndaluar. Në çdo rast, është e këshillueshme që të mos e teproni kurrë me sasitë. Edhe ushqimet e shëndetshme, nëse tepërohet me dozat dhe shpeshtësinë për një kohë të gjatë, mund të shkaktojnë probleme në trupin tonë.
