Shkencëtarët britanikë kanë zbuluar se nivelet e antitrupave në ata që kanë pasur COVID-19 ranë me rreth 26 përqind gjatë tre muajve, duke ngritur pikëpyetje në lidhje me mbrojtjen afatgjatë nga virusi.
Të dhënat më të fundit nga studimi REACT2, botuar të martën, treguan se në një mostër të rastësishme të më shumë se 365,000 të rriturve në Mbretërinë e Bashkuar nga qershori deri në shtator, nga më shumë se 17,500 të cilët rezultuan pozitivë, prania e antitrupave ra në testet pasuese për të gjitha grupmoshat.
“Ne e dimë që ftohjet sezonale mund të ri-infektojnë njerëzit çdo gjashtë muaj,” tha Wendy Barclay, kreu i departamentit të sëmundjeve infektive në Imperial College London, në një telefonatë me gazetarë të hënën. Ajo shtoi se COVID-19 tregon një profil të ngjashëm. Rastet asimptomatike kishin një rënie më të shpejtë të antitrupave, sipas Helen Ward, profesoreshë e shëndetit publik në Imperial College London. Njerëzit e rinj kishin një nivel më të lartë të antitrupave dhe një rënie më të ngadaltë, ndërsa njerëzit e moshuar kishin një nivel më të ulët të antitrupave për të filluar.
“Ne ende nuk e dimë se çfarë niveli i antitrupave është i nevojshëm në gjakun e një personi për të parandaluar ri-infektimin”, tha Barclay. Kjo ishte “kritike për t’u kuptuar”, meqenëse vaksinat ishin duke u zhvilluar për të gjeneruar një përgjigje imune, shtoi ajo.
Në Gjermani, virologu më i mirë i vendit po shqyrton nëse testet e antigjenit mund të formojnë pjesën tjetër të zgjidhjes në strategjinë e saj të shëndetit publik për të menaxhuar virusin.
Christian Drosten i tha një diskutimi në internet të Samitit Botëror të Shëndetit të hënën se testimi i antigjenit mund të jetë mjeti tjetër në luftimin e ritmeve në rritje të COVID-19.
Ai tha se futja gjermane e testimit masiv të PCR – që tregon nëse dikush aktualisht ka koronavirus, por është më i ngadaltë se testet e antigjenit – shumë herët në pandemi kishte një efekt të rëndësishëm dhe të qëndrueshëm në uljen e niveleve të infeksionit. Ndërsa normat rriten përsëri, testimi i antigjenit mund të përdoret në ata që më parë kishin pasur teste PCR pozitive për koronavirusin për të parashikuar se kur popullatat janë përsëri në rrezik.
“Kështu që ne mund të zhvillojmë një hipotezë pune në shëndetin public”, tha ai. “Një rezultat negativ i testit [të] antigjenit parashikon një zbehje të infektueshmërisë tek një pacient”. Kjo “mungesë e infektivitetit” është një mjet thelbësor diagnostikues në shëndetin publik, shtoi ai.
