Hernia diskale ndodh si pasojë e rrëshqitjes e një disku ndërvertebror që ndodhet mes rruazave të shtyllës kurrizore dhe që mundësojnë lëvizjen dhe përkuljen e shpinës.
Hernia diskale shkakton vështirësi në lëvizje dhe dhimbje të forta. Disku i rrëshqitur shtyp një nga nervat e shpinës dhe këtu është edhe burimi i dhimbjes dhe mpirjes.
Shkaktarët e hernies diskale
Hernia diskale shkaktohet si pasojë e lëvizjeve të caktuara por edhe moshës. Njerëzit që kryejnë punë të rënda janë më të predispozuar të vuajnë nga hernia diskale. Njerëzit mbipeshë janë gjithashtu të rrezikuar sepse shtylla kurrizore bëhet më e brishtë për shkak të peshës. Me kalimin e moshës, njerëzit bëhen më të predispozuar të vuajnë nga hernia diskale për shkak të përtharjes së vertebrave. Hernia diskale prek më shumë burrat se gratë.
Trajtimet natyrale të Hernies Diskale
Ka disa trajtime natyrale për lehtësimin e dhimbjeve në shtëpi. Një nga metodat përmes së cilës mund të trajtohen dhimbjet që shkakton hernia diskale është piperi i kuq djegës.
Mund të përgatitet fare lehtë dhe në kushtet e shtëpisë. Dy përbërësit që ju duhen janë dy lugë gjelle me ujë dhe një lugë gjelle me piper të kuq djegës pluhur. Në një tas përziheni masën derisa të formohet një pastë. Me këtë pastë lyeni zonën që ju shkakton kriza, dhe lëreni përreth 10-15 minuta.
Mos e lani menjëherë zonën ku kishit vendosur pastën me piperin e kuq, pasi kështu nuk do të ketë efekt.
Piperi i kuq ka aftësinë që lehtësojë dhimbjet dhe inflamacionin e shkaktuar nga disku i zhvendosur i shtyllës kurrizore. Nëse dëshironi mund të konsumoni dhe çajin e piperit të kuq një herë në ditë.
