Gjumi me jastëk mund të mos jetë mënyra më e mirë për të pushuar, pasi mund të ndikojë në trupin dhe disponimin tuaj.
Mund të jetë e vështirë të ndahesh me jastëkun tënd të preferuar, por gjumi pa të ka shumë përfitime shëndetësore.
Parandalon dhimbjet e shpinës
Shumë jastëkë mund të çojnë në një pozicion të panatyrshëm gjumi dhe mbështetja që ata ofrojnë nuk zgjat shumë. Edhe pse vetë jastëku nuk do të shkaktojë dhimbje të shpinës, ai mund të përkeqësojë shumë nga simptomat themelore. Kur flini pa jastëk, shpina juaj mund të pushojë dhe trupi juaj është në pozicionin e tij natyror.
Gjumi pa jastëk ju ndihmon të përballeni me dhimbjet e qafës
Shumica e jastëkëve nuk mund t’ju ndihmojnë të flini në pozicionin e duhur. Përkulja e qafës në çfarëdo mënyre për një kohë të gjatë do t’ju bëjë të mos ndiheni rehat dhe jastëkët që janë shumë të fortë ose shumë të butë mund të çojnë në dhimbje në qafë.
Lufton dhimbjet e kokës
Nëse zgjoheni me një dhimbje koke, fajin mund ta ketë jastëku juaj. Jastëkët që janë shumë të lartë bëjnë që të shtohet më shumë tension tek muskujt e qafës, gjë e cila mund të shkaktojë dhimbje koke në mëngjes pasi jeni ngritur nga shtrati.
Mund të lehtësojë stresin
Nëse jastëku juaj ju bën të mos ndiheni rehat gjatë natës, mund të ndikojë tek gjumi. Sa më shumë shqetësime të gjumit të keni, aq më pak kohë ka trupi juaj për shumë funksione të rëndësishme që ndodhin gjatë gjumit. Mungesa e vazhdueshme e gjumit mund të ndikojë në disponimin dhe aftësitë tuaja të të menduarit dhe do të bëjë që trupi juaj të lëshojë më shumë hormone stresi gjatë ditës.
Parandalon aknet e fytyrës
Lëkura juaj do t’ju falënderojë që keni hequr qafe jastëkun tuaj. Fytyra juaj zakonisht shtypet në jastëk për shumicën e kohës gjatë natës. Ju ndoshta nuk e lani këllëfin e jastëkut tuaj çdo ditë dhe ai mbledh papastërti, vaj dhe pluhur shtëpiak mbi të. E gjithë kjo mund të çojë në puçrra, inflamacione dhe rrudha të parakohshme.
Mund të jetë më mirë për flokët tuaj
Nëse zgjoheni në mëngjes me flokë të thatë dhe të ngatërruar, mund të dëshironi të hiqni dorë nga jastëku juaj për hir të flokëve tuaj. Kur rrotulloheni gjatë natës, flokët tuaj fërkohen me këllëfin e jastëkut tuaj, duke bërë që të këputen. Këllëfët e jastëkëve gjithashtu mund të thithin vajrat nga flokët tuaj, duke i lënë të thatë dhe të brishtë.
