Një aksident me pasojë plagosjen e dy personave është shënuar pasditen e kësaj të diele ne hyrje të Parkut të Dajtit.
Sipas informacionit të dhënë nga blutë mësohet se 33-vjeçar ka humbur kontrollin e mjetit dhe për pasojë ka dalë nga rruga.
Mësohet se si pasojë e këtij aksidenti ka mbetur i plagosur drejtuesi dhe pasagjerja, të cilët ndodhen në spital nën kujdesin e mjekëve.
“Më datë 29.08.2021, rreth orës 17:10, afër hyrjes së Parkut të Dajtit, shtetasi A. Ll., 33 vjeç, ka humbur kontrollin e mjetit, duke dalë nga rruga. Si pasojë është dëmtuar drejtuesi i mjetit dhe pasagjerja në mjet shtetasja J. J., 22 vjeçe, të cilët ndodhen në spital, nën kujdesin e mjekëve, paraprakisht jashtë rrezikut për jetën”, thuhet në njoftimin e policisë.
Grupi hetimor ndodhet në vendngjarje dhe po punon për sqarimin e rrethanave të aksidentit.
