Në mesnatë pranë autostradës në Laç, teksa ishte në dyqanin e tij të fruta-perimeve, u plagos me armë zjarri Besim Zeneli, 60-vjeç.
Ky i fundit ndodhet në spitalin e Traumës pasi mori dy plumba, ndërsa ende nuk ka informacion të plotë mbi shkaqet e ngjarjes.
I plagosuri po punonte në dyqanin e tij në autostradën Laç-Lezhë.
Shërbimet e Policisë kanë shoqëruar 3 persona, mes tyre dhe autorin e dyshuar të ngjarjes dhe po kryejnë veprimet hetimore për dokumentimin e plotë ligjor të ngjarjes dhe arrestimin e autorëve të dyshuar.
Dy vëllezërit e të plagosurit janë persona të njohur për policinë.