Një person ka rënë në prangat e policisë së Tiranës pasi akuzohet se ka organizuar lojëra fati në mënyrë të kundraligjshme.
“Është goditur 1 rast i vënies së basteve sportive, nëpërmjet aparateve celulare. Në përfundim të veprimeve, u arrestua në flagrancë shtetasi A. H., 42 vjeç, banues në Tiranë”, njofton policia.
Si rezultat i kontrolleve të pandërprera të ushtruara nga shërbimet e Policisë, ky shtetas u kap në flagrancë, në një lokal, duke vënë baste sportive, nëpërmjet aparatit celular, i cili u sekuestrua në cilësinë e provës materiale.
Materialet procedurale i kaluan Prokurorisë, për veprime të mëtejshme.
