Në muajin Shtator 2022 numërohen 89 aksidente rrugore nga 105 të ndodhura në muajin Shtator 2021. Numri i aksidenteve rrugore është ulur me 15,2 %.
Numri i të aksidentuarve (të vrarë dhe të plagosur) është 134 persona nga 141 që ishte në muajin Shtator 2021.
Aksidentet rrugore, në 85,4 % të rasteve, kanë ndodhur si pasojë e sjelljes së drejtuesit të mjetit.
Numri më i lartë i aksidenteve në këtë periudhë është kryer nga grup-mosha 25-34 vjeç, duke zënë 24,7 % të numrit të aksidenteve gjithsej. Aksidentet në këtë grup-moshë janë ulur me 37,1 %, krahasuar me të njëjtën periudhë të një viti më parë.
Në nëntëmujorin e vitit 2022, numërohen 884 aksidente rrugore nga 1.024 aksidente, të ndodhura në të njëjtën periudhë të një viti më parë. Numri i aksidenteve rrugore është ulur me 13,7 %.
Numri i të aksidentuarve është 1.257 persona nga 1.391 persona të aksidentuar në nëntëmujorin e vitit 2021.
Aksidentet rrugore, në 12,7 % të rasteve, në nëntëmujorin e vitit 2022 kanë ndodhur si pasojë e sjelljes së këmbësorit. Numri i aksidenteve sipas sjelljes së këmbësorit është ulur me 30,0 %.
