Një tjetër vatër zjarri vijon të jetë aktive në kodrat e Gjorgozit në bashkinë Fier.
Zjarri ka rënë rreth orës 19:00 të mbrëmjes së djeshme dhe me gjithë përpjekjet e zjarrfikësve ende nuk po vihet nën kontroll për shkak të erës së fortë.
Flakët kanë djegur deri më tani një sipërfaqe prej 5 ha pishe dhe barishte, ndërkohë që nuk rrezikohen banesat pranë.
Burimet bëjnë me dije se në terren ndodhet i gjithë ekipi zjarrfikës i Mallakastrës, ndërkohë që nuk rrezikohen banesa.
Katër zjarrfikëse që nga mbrëmja e djeshme janë në gatishmëri të plotë për të bërë të mundur shuarjen e flakëve por era e fortë ka favorizuar edhe më shumë përhapjen.
Ndërkohë një tjetër vatër zjarri u shua pak orë më parë në kodrat e Kumanit në Rroskovec ku u dogjën 3000 rrejnë ullinj dhe u përfshi nga flakët një sipërfaqe prej më shumë se 9 ha.
Paraprakisht dyshohet se djegia e barërave nga fermerët është shkaku kryesor i rënies së zjarrit në të gjitha vatrat.
