Nga sot bëhen efektive ndryshimet në ligjin për TVSH-në, ku përjashtohen nga tatimi mbi vlerën e shtuar në import kafshët e racës së pastër për riprodhim, bletët dhe insektet që zëvendësojnë pesticidet.
Ministrja e Bujqësisë dhe Zhvillimit Rural, Anila Denaj u shpreh sot se këto masa ndihmojnë sektorin e prodhimit me rritjen e numrit të krerëve në blegtori dhe nxitjen e prodhimit blegtoral.
“Po ashtu këto masa ndihmojnë zhvillimin e sektorit të bletarisë;
stimulimin e prodhimit organik dhe luftës me metoda organike në bujqësi;
përdorimin e metodave inovative në bujqësi për kontrollin biologjik të insekteve të dëmshme”, u shpreh Denaj.
