Banesa e një 60-vjeçai në fshatin Kuqan të Elbasanit është përfshirë nga flakët këtë të diel.
Si pasojë e flakëve ka vetëm dëme materiale në shtëpinë e Gj. K., 60 vjeç. Sipas policisë, paraprakisht dyshohet se zjarri ka rënë për shkak të një shkëndije në oxhakun e banesës, i cili ka qenë i ndezur.
“Në orët e para të mëngjesit të sotëm, në fshatin Kuqan, ka rënë zjarr në banesën e shtetasit Gj. K., 60 vjeç. Si pasojë e flakëve ka vetëm dëme materiale.
Paraprakisht dyshohet se zjarri ka rënë për shkak të një shkëndije në oxhakun e banesës, i cili ka qenë i ndezur. Grupi hetimor vijon punën për dokumentimin ligjor të shkakut të rënies së zjarrit”, thekson policia.
