15 mijë banorë janë zhvendosur brenda Shqipërisë gjatë vitit 2022.
Të dhënat e ministrisë së Brendshme zbulojnë se Dibra, Gjirokastra dhe Kukësi janë tre qarqet që po vuajnë më së shumti nga migracioni i brendshëm.
Numrin me të lartë të banorëve të zhvendosur e mban viti 2019 me 64 mijë banorë. Sipas statistikave zyrtare, migrantët e brendshëm janë përgjithësisht të rinj. Më shumë se 50% e migrantëve të brendshëm i përkasin grup-moshës 20–34 vjeç, ndërkohë grup-mosha 30–24 vjeç përbën rreth 20% të tyre.
Po ashtu, vihet re se vajzat kanë një tendencë më të lartë për të migruar në krahasim me burrat. Për vitin 2022, ato zënë 60.5% të numrit të përgjithshëm të migrantëve të brendshëm, duke pësuar një rritje me 1.97% nga viti 2021.
Gjatë 4 viteve të fundit, vihet re se Tirana ka një migrim të brendshëm pozitiv, duke përthithur shumicën e banorëve që braktisin zonat malore të vendit.
