Zona e ulët bregdetare ka kushte shumë të favorshme për prodhimin e perimeve në ambiente të mbrojtura duke i mbjellë 2-3 herë në vit.
Ministrja e Bujqësisë dhe Zhvillimit Rural, Anila Denaj vizitoi fshatin Kopaçez, në Delvinë ku u takua me banorë të kësaj zone që ditë pas dite po kthejnë banesat e tyre në bujtina.
“Në fshatin Kopaçez, Delvinë, mes maleve dhe nënave që presin e përcjellin me shumë dashuri ata turistë që pëlqejnë mikpritjen, ecjen në male e ushqimin e mrekullueshëm delvinjot. Pavarësisht moshës, Manxurana dhe Hano, nuk lënë kohë pa punuar në serrat e vogla për prodhim familjar dhe mbledhjen e ullinjve e kujdesin për kosheret e bletëve”, u shpreh Denaj në rrjetet sociale.
Kthimi i vëmendjes në këto zona malore për t’i shndërruar shtëpitë në bujtina e pritur turistë vendas e të huaj, tha Denaj, do të zgjerojë më shumë mundësinë për të vënë në punë të gjithë kapacitetin e prodhimit në çdo lartësi.
