Qemal Minxhozi, që shërbeu si ambasador i Shqipërisë në Republikën e Kosovës, tash kur angazhimin e ka përfunduar në Prishtinë, po nderohet në shtetin amë.
Është qyteti i Lezhës, që Minxhozin e ka shpallur “Qytetar Nderi” të kësaj bashkie.
Ky titull iu dorëzua nga kryetari i Bashkisë Pjerin Ndreu, i cili tha se Minxhozi e meriton këtë titull, jo vetëm për nga ana politike, po ashtu edhe në promovimin e turizmit të Lezhës në Kosovë.
“Asnjë shqiptar nuk e meriton më shumë se Qemal Minxhozi titullin e qytetarit të nderit, i cili ka dhënë kontribut të madh jo vetëm nga ana politike , por edhe në promovimin e turizmit të Lezhës në Kosovë. Me ndihmën e ambasadorit kemi ndarë aktivitete të shumta dhe me secilën komunë të Kosovës. Për atë arsye qytetarët e Lezhës i janë falënderues Minxhozit”, tha Ndreu.
