Komandanti i FSK-së sqaron largimin e ushtarit Hetemi - Bota Sot
Komandanti i FSK-së sqaron largimin e ushtarit Hetemi

Aktuale

Komandanti i FSK-së sqaron largimin e ushtarit Hetemi

Më: 28 nëntor 2018 Në ora: 08:21
Dardan Hetemi

Komandanti i FSK-së, Rrahman Rama ka komentuar letrën e ushtarit Dardan Hetemi që ka thënë të jetë larguar nga FSK-ja për shkak të kapjes së saj nga politika.

Rama ka sqaruar se Hetemi ka qenë ushtar rezervë dhe është martuar jashtë Kosovës dhe ka qëllim që të shkojë jashtë.

“Nuk e di prej kujt janë kapur. E kam parë letrën dhe ka qenë shqetësim për mua, por mbi bazën e informacioneve ai është pjesëtar rezervë dhe është martuar diku jashtë dhe e ka qëllimin që të shkojë jashtë. Është fer dhe korrekte [largimi]”, ka thënë Rama që ka sqaruar se në FSK janë dy kampanja rekrutimi: ajo për ushtarët aktivë dhe ajo për rezervistët.

“Kemi dy kampanja: Për rekrutimin e ushtarëve aktiv dhe rezervë. Jam i obliguar që për 36 ditë pune t’i ftojë ushtarët rezervë. Ka qenë kampanjë për pjesëmarrje, është kampanjë e rekrutimit dhe ata kanë aplikuar si pjesëtar rezervë. Nuk e di kush është, por më vjen keq që ka menduar në atë formë. Është aplikacion që është e vetëdijshëm që ka aplikuar si ushtarë rezervë. Nëse ka menduar se mund të bëhet ushtar aktiv, ka qenë gabim sepse janë ligjet për këto gjëra”, ka thënë veç të tjerash Rama.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...