Jeta dhe sporti!
Tërë jetën me sport edhe pse ende nuk i kanë mbërri të 40-tat në moshë, kanë një karrierë goxha të madhe sportive, pothuajse dy dekada e gjysmë! Vlora Jashari, një kohe hendbollistja më e mirë në Kosovë, pastaj edhe si trajnere, si dhe Blerta Tërpeza, dikur portiere e hendbollit!
Si njëra dhe si tjetra kanë zgjedhur edhe një profesion tjetër, instruktore të skijimit dhe pothuajse kohën më të madhe të stinës së dimrit e kalojnë në Qendrën e Skive në Brezovicë.
Fakti tjetër është se Vlora është edhe instruktore në një autoshkollë. Blerta dhe Vlora janë edhe profesoresha dhe shoqe të pandashme, herë e çojnë mirë e herë kanë replika apo mospajtime në konceptet sportive.
Vlora dhe Blerta janë në formën më të mirë.