Skitarja e Kosovës, Lirika Deva, ka fituar medaljen e argjendtë në garën ndërkombëtare të FIS-it, “Uludag 2020” grupmosha U-14, disiplina e sllallomit të madh.
“Në garën ndërkombëtare të FIS (Federatës Ndërkombëtare të Skitarisë) në Uludag të Turqisë në disiplinën e sllallomit të madh, skiatorja jonë e kategorisë U-14 Lirika Deva fitoi përsëri medalje, ku doli e dyta, ndërsa Elena Hoxha doli e teta.
Në kategorinë U-16 u arritën këto rezultate: Kiana Kryeziu doli e gjashta, Era Deva doli e shtata, Etna Nura e teta.
Në konkurrencën e meshkujve në kategorinë U-16 Dren Spahiu zuri vendin e tetë”, njofton Federata Skitare e Kosovës.