Skiatorja austriake Nicole Schmidhofer ka qenë më e shpejt në disiplinën e lëshimit në Kupën e Botës, që po mbahet në Lake Louiseu. Ajo zuri vendin e parë me kohë të kaluar për 1:48.13 minutë. Kjo është fitorja e parë e saj në Kupën e Botës dhe në moshën 30 vjeçare që i mbush me 15 mars të vitit të ardhshëm.
Pa dyshim se ka qenë një shteg i vështirë, për faktin se gjatësia është prej 3059 metrash.
Ajo ka qenë për 15 qindtat e sekondës më e shpejt se zvicerania Michelle Gisin dhe për 50 qindtat se pozita e tretë, Kira Weidle (Gjermania).
Në renditjen e përgjithshme të Kupës së Botës, amerikania Mikaela Shiffrin prinë me 339 pikë, e ndjekur nga Petra Vlhova (196), Federica Brignone (186).
Rezultatet
1. Nicole Schmidhofer (Austria) 1:48.13
2. Michelle Gisin (Zvicra) +0.15
3. Kira Weidle (Gjermania) +0.50
4. Stephanie Venier (Austria) +0.57
5. Tina Weirather (Lihteshtejni) +0.59
6. Ilka Štuhec (Sllovenia) +0.94
7. Christine Scheyer (Austria) +0.96
8. Joana Haehlen (Zvicra) +1.05
9. Mikaela Shiffrin (SHBA) +1.23