Karateisti nga Kosova, Enver Idrizi, ka marrë titullin legjendë në sportin e karatesë nga Federata Kroate e Karatesë, me rastin e 50 vjetorit të themelimit të karatesë në Kroaci.
Titulli iu nda në prezencë të kryetarit të federatës Botërore Antonio Espinosa dhe para 47 kryetarëve dhe përfaqësuesve të federatës Evropiane EKF.
Kampioni i madh i botës, shqiptari dhe revolucionari në karate, Enver Idrizi, shpërblimin e mori nga kryetari Espinosa.
Prezent në këtë ngjarje ishte edhe Presidenti i KOK-ut z.Ismet Krasniqi, kryetari i FVK-së, z Bahri Gjinovci, këshilltari i KOK- ut, z, Besim Aliti dhe sekretari i Federatës së Karatesë së Kosovës, z Nazmi Gashi!
