Duke pasur një avantazh prej dy golave nga ndeshja e parë e fazës çerekfinale të Ligës së Kampionëve, Interi gjendet me një këmbë në gjysmëfinale të turneut.
Në ndeshjen e parë të zhvilluar në “Da Luz” të Lisbonës, Interi e mposhti Benfican si mysafir me rezultat solid 2:0, ndërsa të dy skuadrat përballen sot në “Giueseppe Meazza” në ndeshjen e kthimit.
Të dy skuadrat rikthehen nga humbjet në kampionatet e tyre, ku Benfica u mposht nga Chaves me rezultat 1:0, sikurse Interi që pësoi humbje me rezultat të njëjtë si vendas nga Monza.
Duke marrë parasysh se Interi ka fituar 17 nga 18 ndeshjet e fundit në të cilat kishte triumfuar me epërsi prej dy golave si mysafirë, edhe sot “Nerazzurët” konsiderohen favorit për ta prekur gjysmëfinalen e kësaj gare.
Kwto janw formacionet zyrtare:
Inter (3-5-2): Onana; Darmian, Acerbi, Bastoni; Dumfries, Barella, Brozovic, Mkhitaryan, Dimarco; Lautaro, Dzeko
Benfika (4-2-3-1): Vlachodimos; Gilberto, António Silva, Otamendi, Grimaldo; Florentino, Chiquinho; Aursnes, Rafa Silva, João Mário; Goncalo Ramos.
