Kanë mbetur edhe dy ditë nga fillimi i fazës ‘Legends Stage’ në BLAST Paris Major, ku pjesë e saj është edhe ekipi shqiptar Bad News Eagles.
Tashmë është konfirmuar kundërshtari i parë për ekipin shqiptar, në turneun më të madh të CS:GO që ndan çmime në vlerë 1.250.000 dollarë.
Bad News Eagles do të përballen me ekipin ENCE me datën 13 maj duke filluar nga ora 16:00.
Kjo ndeshje do të zhvillohet në formatin ‘Bo1’, dhe ekipit shqiptar nga Kosova i duhen tri ndeshje të fituara për të vazhduar tutje në fazën ‘Champions Stage’.
Ekipi ENCE renditen në vendin e nëntë në ranglistën botërore, dhe kanë shënuar tri fitore në fazën ‘Challengers Stage’ për të vazhduar tutje në Major.
Ndërkaq ekipi Bad News Eagles me renditje në vendin e 20 –të në ranglistën botërore, ishin kualifikuar në fazën ‘Legends Stage’ direkt nga turneu RMR i Evropës.
Ndeshja Bad News Eagles ndaj ENCE do t transmetohet në kanalin zyrtar të BLAST në platformën Twitch.
