NFL është në zi pas vdekjes së ish-lojtarit të Seattle Seahawks dhe Baltimore Ravens, Alex Collins në moshën 28-vjeçare, lajm i cili u bë i njohur të hënën, sipas njoftimit nga familja.
Sipas “The Athletic”, Alex Collins vdiq të dielën e kaluar mbrëma pasi pësoi një aksident me motorin e tij në Florida, në një incident që zyra e sherifit të qarkut vazhdon ta hetojë. Provat tregojnë se Collins është përplasur me një kamion dhe më pas humbi jetën në vend.
Collins luajti në NFL me Seattle në vitin 2016 përpara se të kalonte dy sezone me Ravens në 2017 dhe 2018 përpara se të rikthehej në Seattle përsëri. Në karrierën e tij, Collins luajti 50 ndeshje në të cilat ai përfundoi 483 xhiro një total prej 1997 jardë dhe gjithsej 18 goditje.
Sapo u publikua lajmi, Baltimore Ravens lëshoi një deklaratë ku shpreh keqardhje për vdekjen e Collins. “Me gjithë keqardhjen tonë raportojmë vdekjen e Alex Collins.
Gjithmonë i shpejtë për t’iu përgjigjur të gjithëve me buzëqeshje, ai ishte një person shumë i sjellshëm që përçonte një gëzim dhe pasion të veçantë kudo që shkonte .
Alex do të mbahet mend për dritën dhe dashurinë që ai u ka sjellë kaq shumë njerëzve në jetën e tij".
