Mos puno! Vlonjati kërcënon me thikë punonjësit e Ujësjellësit

Vlora

Mos puno! Vlonjati kërcënon me thikë punonjësit e Ujësjellësit

Më: 15 prill 2021 Në ora: 11:45
Foto nga vendi i ngjarjes

Një konflikt ka ndodhur ditën e sotme në rrugën Transballkanike në Vlorë.

Gjatë punimeve në një pallat të ujësjellës-kanalizimeve, sipas burimeve një person ka kërcënuar të ndalin punimet.

Duke parë që punonjësit e ujësjellësit s’kanë ndalur, sipas burimeve për Ora News, ka zbritur poshtë dhe ka kërcënuar më thikë në dorë punonjësit si dhe drejtuesin e këtij institucioni Shkëlqim Leskaj.

Z Leskaj në këto momente ndodhet në komisariatin e Vlorës për të bërë padi.

Ka qenë drejtuesi i ujësjellësit që ka kërkuar ndihmën e forcave blu të cilat kanë shkuar në vendngjarje.

Personi me thikë në momentin që ka parë forcat e policisë është larguar me vrap.

Pritet dëshmia e drejtuesit të ujësjellës kanalizimeve në Vlorë në polici për të kuptuar më tepër detaje, por sipas burimeve personi e ka kërcënuar me thikë për jetën.

Gjithashtu pritet konfirmimi nga policia e Vlorës nëse agresori është arritur të ndalohet.

Shfaq komentet
comments powered by Disqus
Sot mund të lexoni Shfletoni kopertinat