Kampionia olimpike, xhudistja e kombëtares së Kosovës, Majlinda Kelmendi, dëshmoi formën të jashtëzakonshme dhe fitoi medaljen e artë në kategorinë -52 kg në turneun Grand Prix që po mbahet në Tel Aviv të Izraelit.
Ajo fitoi pikë të reja në ranglistën olimpike. Krenaria e kombit shqiptar e nisi me të artë vitin 2019, duke shkatërruar një nga një rivalet!
“Majlinda po vjen në formën e saj. Ende kemi pune për të bërë”, tha Driton Kuka, përzgjedhës i kombëtares së Kosovës, njëherësh trajneri më i mirë që ka shqiptaria.
