Kryeministri Ramush Haradinaj dhe kabineti i tij e kanë nisur ditën e sotme me një minutë heshtje për zëvendësministrin e Diasporës, Arian Daci.
“I përjetshëm kujtimi për ty, Arian Daci”, ka shkruar i pari i Qeverisë në llogarinë e tij në Facebook.
Arian Daci, zëvendësministër në Ministrinë e Diasporës dhe i biri i ish-kryeparlamentarit Nexhat Daci, ka ndërruar jetë të shtunën pasi u zu nga një ortek gjatë skijimit në Brezovicë.
Arian Dacit iu dha lamtumira e fundit derisa për nder të tij u mbajt Akademi Përkujtimore dhe u bënë homazhe në hollin e Kuvendit të Kosovës.
