Sindikata e Pavarur e Doganës së Kosovës, ka paralajmëruar grevë për sot, lidhur me pagat dhe statusin e zyrtarëve të doganave, të cilin e ka pasur deri më 29 janar të këtij viti, kur Komisioni për Administratë Publike ka amandamentuar projektligjin për pagat e sektorit publik.
Nëse këto dy kërkesa nuk përmbushen nga ana e Qeverisë, sindikalistët e doganës kanë paralajmëruar se qysh sot në mesditë mund të hynë në grevë të përgjithshme.
Ata kërkojmë ndryshimin e amendamentit në ligjin për pagat, pasi sipas tyre edhe Dogana duhet të mbrohet me ligj të veçantë si dhe të mos iu zbriten pagat.
Kryetari i kësaj sindikate, Ali Vitija, tha se kërkojnë rangim sikur Policia dhe AKI-ja, të cilat trajtohen me ligj të veçantë. “Sot kemi paralajmëruar një grevë për dy orë por për shkak të komunikimit e kemi shtyrë për nesër deri sa të marrim një përgjigje nga ana e Qeverisë. Në jemi me 570 punëtorë, gjatë këtyre viteve kemi shumë raste. Zyrtarët doganorë janë 24 orë në detyrë zyrtare duke punuar pa pushim. Ne kërkojmë pagat tona mos me u prek. Koeficienti i tanishëm i prek ato duke i ulur”, ka deklaruar Vitija gjatë ditës së djeshme.
