Fotografi të papublikuara më herët nga periudha e bombardimeve të NATO-s në vitet 99’ janë parë së fundi.
Një haker serb, me emrin Neven Djenadija ka publikuar qindra fotografi ekskluzive, të cilat, siç tha ai arriti t’i nxjerrë nga serveri i Ministrisë së Mbrojtjes së ShBA-së.
Fotografitë në fjalë mbulojnë periudhën nga fillimi i intervenimeve të NATO-s kundër ish-Republikës Federale të Jugosllavisë, deri në qershor të vitit 1999, kur trupat amerikane hynë në Kosovë.
“Të gjitha fotografitë janë ruajtur në një vend dhe janë me rezolucion jashtëzakonisht të lartë. Këto fotografi janë me përshkrime origjinale në gjuhën angleze, si dhe emrat më të rëndësishëm të disa individëve”, shkroi ai tutje.
Madje ai tha se ka ruajtur bazën e fotografive që një ditë të mos zhduken nga serverët amerikanë.
Të gjitha fotografitë mund t`i shikoni duke klikuar këtu.
