Shefqet Kabashi, disa ditë më parë e akuzoi ish-këshilltarin e Kadri Veselit, Nijazi Kryeziun, se e la pa bukë në kohën sa qëndruan së bashku në burgun e Nishit. Ndërsa sipas Kabashit, Kryeziu për vete ushqehej mirë.
E në Frontal, Kryeziu ka thënë se çdokush që e ka mohuar Ushtrinë Çlirimtare të Kosovës, ka pasur probleme me të. Ndërsa, e mohon që është njohur me Kabashin në burgun e Nishit.
“Unë nuk kam punuar si kuzhinier në burg. Njerëzit që ë kanë mohuar UÇK-në, kanë pasur problem me mua. Unë nuk do të merrem me Kabashin. Lavdinë e veprimtarisë sonë, nuk mund ta njollosë askush.”
Tutje, Kryeziu i pyetur nëse e mbanë mend Shefqet Kabashin nga ky burg, ai tha se kanë qenë rreth 3 mijë të burgosur, prandaj është e vështirë të mbahen mend të gjithë të burgosurit.
“Rreth tre mijë të burgosur kanë qenë, s’e mbaj mend Kabashin. Ndoshta ai me njeh mua, unë jo atë”, deklaroi Kryeziu.