Kryetari i Lidhjes së Historianëve të Kosovës “Ali Hadri” dega në Deçan, Shkodran Imeraj, me rastin 21-vjetorit të rënies në Betejën e Koshares, ka përkujtuar heroin Sali Çekaj, duke thënë se ai ishte arkitekti i thyerjes së kufirit shqiptaro-shqiptar.
Deklarata e plotë:
Në 21-vjetorin e rënies heroike në Betejën e Koshares më 19 prill 1999, kujtojmë dhe shprehim mirënjohje të veçantë për jetën dhe veprën e arkitektit të thyerjes së kufirit shqiptaro-shqiptar Sali Çekaj.
Sali Çekaj që në tetor të vitit 1990, pas Mbledhjes së Isniqit bashkë më juristët e tjerë deçanas, harmonizojnë Statutin e Komunës së Deçanit sipas Kushtetutës së Republikës së Kosovës - Kushtetutës së Kaçanikut, i cili ishte statuti i parë dhe i vetëm komunal në nivel vendin sipas dispozitave ligjore të kësaj kushtetute.
Sali Çekaj, nder themeluesit e parë të Ushtrisë Çlirimtar e të Kosovës ishte pjesë e grupeve të para që u stërvitën në shtetin shqiptar.
Ai me jetën dhe veprën e tije në shërbim të çështjes kombëtare shqiptare, ka shkruar faqet me të shndritshme të historisë së popullit shqiptar.