I pari i Prishtinës, Shpend Ahmeti, ka vazhduar kritikat ndaj Qeverisë së Kosovës.
Qeveria e Kosovës, përkatësisht kryeministri, Avdullah Hoti, gjatë ditës së sotme ka paraqitur disa vendime të reja kundër përhapjes së koronavirusit.
Ndër propozimet e qeverisë, ka qenë edhe kategorizimi i komunave me rrezikshmëri të ulët, mesme dhe të lartë sa i përket koronavirusit
E në mesin e komunave me rrezikshmëri të lartë është edhe Prishtina dhe pikërisht për këtë ka reaguar i pari i kryeqytetit, Shpend Ahmeti, i cili edhe ka ironizuar me këto propozime të Hotit dhe i ka quajtur absurde.
“Kush jeton në Lagjen Marigona është në zonën e gjelbër e mundet me dal, e kush jeton në Qëndresa është në zonën e kuqe e ka orë policore”, ka shkruar ndër të tjerash Ahmeti në profilin e tij zyrtar në rrjetin social Facebook.
