Masat e reja kundër përhapjes së Covid19, të miratuara dje nga Qeveria e Kosovës kanë nisur së zbatuari që nga sot.
Pas kësaj, tollovi e madhe është shkaktuar në kufirin me Shqipërinë, kjo si rezultat i asaj që tashmë nga qytetarët e huaj që hyjnë në Kosovë përfshirë edhe ata me leje qëndrim të përkohshëm ose përhershëm, duhet të kenë test RT-PCR negativ për Covid-19 të bërë në 72 orët e fundit.
Lidhur me këtë çështje ka folur edhe ambasadori i Shqipërisë në Kosovë, Qemal Minxhozi.
“Nuk ka patur konsultim paraprak, është veprim i njëanshem dhe i çuditshem”, ka thënë ai.
Përjashtim bëjnë qytetarët e huajë që vijnë dhe largohen brenda 3 orëve nga Kosova, duke nënshkruar kështu edhe një deklaratë.
Qytetarët e huaj që punojnë si transportuesi profesionistë (vozitësit), me kusht që të respektojnë protokollin për transport ndërkombëtarë për mbrojtje nga Covid-19;
Qytetarët e huaj që kalojnë nëpër Kosovë përmes transportit të organizuar me autobus ose me linjë të rregullt ndërkombëtare tranzite, me kusht që të nënshkruhet deklarata se do ta lëshojnë territorin e Kosovës brenda 5 orësh;
Diplomatët e huaj të akredituar në Kosovë si dhe familjarët e tyre;
Të gjithë qytetarët e Kosovës (përfshirë edhe ata me vendbanim në një shtet tjetër), gjatë hyrjes në Kosovëduhet të paraqesin vërtetim për test RT-PCR negativ të bërë më së largu 72 orë para hyrjes në Kosovë, në të kundërtën duhet të vetë-izolohen për 7 ditë.
