Debat i ashpër është zhvilluar mes kandidates për deputete Lista Vjosa dhe Vetëvendosje, Doarsa Kica dhe kandidatit për deputet nga PDK, Bujar Cakolli.
Ky i fundit u shprehë se Vjosa Osmani ka punuar në shkatërrimin e LDK-së gjatë karrierës së saj.
“Duhet sqaruar se nuk ka iniciativë të Vjosa Osmanit – këta janë përfaqësues të Lëvizjes Vetëvendosje – këta kanë përfunduar në partinë e Albin Kurtit”.
“Ne jemi duke u ballafaquar me një kandidate për deputete të VV-së dhe jo të Vjosa Osmanit. Këta e kanë tradhtuar elektoratin e Lidhjes Demokratike të Kosovës dhe kanë përfunduar në gjirin e Albin Kurtit”.
Këtyre akuzave i është përgjigjur Kica e cila u shprehë se votat tregojnë shkatërrimin e vetëm që Vjosa Osmani po e bën në skenën politike.
Po ashtu ajo tha se qëllimi i listës së Vjosa Osmanit është që të krijohet partia edhe pas 14 shkurtit.
“Shkatërrimi i Vjosa Osmanit për juve të PDK-së janë votat, në fakt dhe po besoj zgjedhjet e kaluara saktësisht e keni kuptuar çfarë shkatërrimi përmes votave ka bërë, fokusi jonë si listë është të ofroj alternativë. Ne i kemi hyrë kësaj gare në listën e LVV-së, ndërsa qëllimi ynë për të krijuar parti nuk do të zhduket as pas datës 14 shkurt”, tha ajo.