Kryesia e dorëhequr e LDK-së mban mbledhje në 16:30

Aktuale

Kryesia e dorëhequr e LDK-së mban mbledhje në 16:30

Më: 25 shkurt 2021 Në ora: 12:07
LDK

Kryesia e dorëhequr e Lidhjes Demokratike të Kosovës do të mblidhet sot në orën 16:30. Këtë e kanë konfirmuar nga brenda kryesisë së kësaj partie, e cila në zgjedhjet e përgjithshme parlamentare mori rezultatin më të dobët të histori të kësaj partie, që është më e vjetra në vend.

Në këtë mbledhje, pritet të diskutohet edhe për datën e mundshme për mbajtjen e Kuvendit zgjedhor, ku do të zgjidhej kryetari i ri.

Kryetari i dorëhequr i Lidhjes Demokratike të Kosovës, Isa Mustafa, ka thënë dje se deri në fund të kësaj jave do të caktohet data për mbajtjen e Kuvendit të LDK-së nga ku do të dalë shefi i ri i partisë.

“Deri në fund të javës do të caktohet data e mbajtjes së Kuvendit për zgjedhjen e Kryetarit të ri të LDK-së”, ka thënë Mustafa.

Një ditë pas zgjedhjeve, Isa Mustafa dha dorëheqje nga pozita e kryetarit të LDK-së, duke marrë një pjesë të përgjegjësisë për rezultatin e zgjedhjeve.

Shfaq komentet
comments powered by Disqus
Sot mund të lexoni Shfletoni kopertinat