Pjesëtari i Familjes Jashari, Bekim me rastin e paradës së FSK-së për nder të Epopesë së UÇK-së ka falënderuar NATO-n, SHBA-të dhe vendet evropiane që e ndihmuan Kosovën në luftën për liri e pavarësi.
“Shtetin që e krijuam falë atyre që nuk kursyen asgjë, as jetën, e kemi amanet që ta ruajë e ta ndërtojmë”, tha ai.
Ai tha se falë kontributit të të gjithëve, sot e kemi Ushtrinë e Kosovës.
“Është ndjenjë e jashtëzakonshme dhe krenari që t’i shohim ata të rinj e të reja të jenë në shërbim të kombit”, tha ai.
Sipas tij, ne i nderojmë të gjithë të rënët në altarin e lirisë, duke e ndërtuar e zhvilluar shtetin tonë.
