Aktivisti Rron Gjinovci ka vlerësuar se pyetjet që ia shtroi u.d I kryetarit të PDK-së. Enver Hoxhaj në takim liderit të VV-së, Albin Kurtit, janë të pa rëndësishme.
Gjinovci në Pressing tha se për të gjitha ato çështje është përgjegjëse PDK-ja.
“Dyqysh si mos me qenë përgjegjësi të PDK-së. Fare s’janë të rëndësishme pytjet. Na, 50% e votuesve kemi vendosur që s’po duam me u marrë me ato tema. Enver Hoxhaj shtrojke pytje për të cilat është përgjegjëse PDK-ja”, tha Gjinovci.
Në anën tjetër, analisti Jusuf Thaçi tha se jo të gjitha pyetjet e Hoxhajt ishin për t’u hedhur poshtë.
Ushtruesi i detyrës së kryetarit të PDK’së, Enver Hoxhaj, dhe sekretari i përgjithshëm i partisë, Uran Ismajli, janë takuar sot me kreun e VV’së Albin Kurtin dhe ushtruesen e detyrës së Presidentit, Vjosa Osmanin.
Në këtë takim, sipas një komunikate të PDK-së, kjo parti ka shpalosur 10 kërkesat që i ka për Kurtin e Osmanin.
Hoxhaj pas takimit me Osmanin dhe Kurtin, ka deklaruar se e ka pyetur këtë të fundit se a është distancuar nga dhuna e gazi lotsjellës në ditën kur Hashim Thaçi ishte emëruar presidenti i Kosovës.
