Aktori Fatmir Spahiu, i njohur me nofkën “Bufi”, ka kërkuar nga Qeveria e Kosovës, që të lejojë qytetarët të tërheqin edhe 10% të kursimeve në Trustin Pensional.
“Ajdeee Qeveria e Republikës së Kosovës, më gjallë pak. Shkojmë me një 10% të ri nga Trusti”, ka shkruar aktori në një postim në Facebook, përcjell Bota sot.
Propozimi i tij vjen pas shtrëngimit të masave kundër pandemisë në Kosovë.
Qytetarët e Kosovës, kishin tërhequr 10% të kursimeve në Trust edhe gjatë vitit të kaluar, pas krizës financiare që kishte kapluar vendin, si pasojë e Covid-19.
Kosova po përjeton gjendje të rënduar me Covid-19, me numër të lartë të viktimave dhe shifra të larta infektimesh të reja./BS
