Kryetari i Shoqatës së Veteranëve të UÇK-së, Xhevdet Qeriqi, ka thënë se nuk do të pranojnë që paga e veteranit të mos ngritët paralelisht me pagën minimale.
Ai duke folur për diskutimet që Qeveria synon të heq amandamnetin që e lidhë pagën minimale me atë të veteranit, tha se kjo për ta do të ishte e pranueshme.
“Ligji e thotë qartë se me ngritjen e pagës minimale rritet edhe pensioni i veteranit. Ne nuk pajtohemi nëse vendosë Qeveria ta ndryshojë këtë amendament. Ne kemi kërkuar nga kryeministri që të ngritën pensionet”, tha Qeriqi.
Ai tha se në këtë kohë kur janë ngritur çmimet e shumë produkteve ngritja e pagës për veteranët është e domosdoshme.
Duke folur për çështjen e listës së veteranëve ai tha se nuk pasur ndonjë kërkesë nga Prokuroria.
Qeriqi ka thënë se Komisioni Qeveritar ka gabuar që nuk i ka marr për bazë arkivat.
“Kanë qenë arkivat e shoqatës, secili luftëtarë ka qenë i regjistruar në shoqatë. Pastaj kanë qenë arkivat në Trupat Mbrojtëse të Kosovës. Sikur të ishin marrë për bazë do ta kishin shumë më të lehtë”, tha Qeriqi.
