Kryeministri i Kosovës, Albin Kurti ka marrë pjesë në festën e organizuar nga ambasada e Malit të Zi në Kosovë, për të shënuar ditën e Pavarësisë së këtij shteti.
Kurti ka thënë se integrimi e orientimi në strukturat trans-atlantike është vlerë, synim e angazhim që ndajnë të dy shtetet.
“Pragu i lartë në referendumin e pavarësisë para 17 vjetëve, nuk mund të kalohej pa mbështetjen e shqiptarëve në Malin e Zi, të cilët në mënyrë masive e mbështetën pavarësinë, kontribut ky i cili vlerësohet e duhet vlerësuar...
Kemi punuar për të nxitur tregtinë dhe investimet, lëvizjen mes njerëzve dhe mallrave dhe përpara kemi projekte infrastrukturore të cilat do të lidhin e fuqizojnë edhe më tej dy shtetet tona”, ka thënë Kurti, siç njofton Qeveria përmes një komunikate për media.
