Irani kundërshton thirrjen e SHBA-së për të biseduar - Bota Sot
Irani kundërshton thirrjen e SHBA-së për të biseduar

Azia

Irani kundërshton thirrjen e SHBA-së për të biseduar

Më: 10 maj 2019 Në ora: 18:49
Komandanti, Yadollah Javani.

Një komandant i lartë i Gardës Revolucionare të Iranit ka thënë se Teherani nuk do të zhvillojë bisedime me Shtetet e Bashkuara, një ditë pasi presidenti amerikan, Donald Trump ka ftuar liderët iranianë që “ta thërrasin”.

“Nuk do të ketë negociata me Amerikën”, ka thënë zëvendësi-drejtuesi ushtarak, Yadollah Javani, ka transmetuar agjencia e lajmeve Tasnim.

Javani po ashtu ka pretenduar se Uashingtoni nuk ka guxim për të nisur aksion ushtarak kundër Iranit.

Tensionet në mes të Teheranit dhe Uashingtonit janë përshkallëzuar prej kur administrata e presidentit amerikan, Donald Trump është tërhequr një vit më parë nga marrëveshja bërthamore që Irani ka nënshkruar me fuqitë botërore më 2015.

Trump ka konsideruar se kjo marrëveshje, që frenon aktivitetet bërthamore të Iranit në këmbim të lirimit nga sanksionet ndërkombëtare, ka shumë mangësi.

Të mërkurën presidenti amerikan ka shtuar sanksionet ndaj këtij shteti, të vëna muaj më parë, duke i prekur tani industrinë e çekikut, pasi autoritetet iraniane kanë njoftuar se do të heqin dorë pjesërisht nga marrëveshja bërthamore, nëse nuk gjendet një mënyrë për t’iu ikur sanksioneve të SHBA-së.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...