Udhëheqësja e Hong Kongut: Ligji për ekstradimin, i vdekur - Bota Sot
Udhëheqësja e Hong Kongut: Ligji për ekstradimin, i vdekur

Azia

Udhëheqësja e Hong Kongut: Ligji për ekstradimin, i vdekur

Më: 9 korrik 2019 Në ora: 09:03
Udhëheqësja e Hong Kongut, Carrie Lam

Udhëheqësja e Hong Kongut, Carrie Lam, tha se ligji kontrovers që do të mundësonte ekstradimin në Kinë "është i vdekur".

Në një konferencë për media të martën, Lam tha se puna e qeverisë në këtë projektligj ka qenë një "dështim total".

Megjithatë, ajo nuk tha se ligji është tërhequr plotësisht, ashtu siç kërkojnë protestuesit.

Ligji, tash e sa javë, ka shkaktuar protesta masive në Hong Kong dhe qeveria tashmë e ka pezulluar për kohë të pacaktuar.

Protestat në Hong Kong u përshkallëzuan nga frika e Kinës autoritare

Kritikët e legjislacionit thonë se ai do të dëmtonte pavarësinë gjyqësore të Hong Kongut dhe do të mund të përdoret kundër atyre që flasin kundër Qeverisë kineze.

Hong Kongu, ish-koloni britanike, është pjesë e Kinës, por nën marrëveshjen "një shtet, dy sisteme", që i garanton një nivel autonomie.

Ai ka gjyqësorin e tij dhe një sistem të veçantë ligjor.

Protestat, disa prej tyre të dhunshme, kanë vazhduar edhe pasi qeveria e ka pezulluar projektligjin për ekstradim në mes të qershorit.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...