Irani teston raketë të re, shton tensionet me Shtetet e Bashkuara - Bota Sot
Irani teston raketë të re, shton tensionet me Shtetet e Bashkuara

Azia

Irani teston raketë të re, shton tensionet me Shtetet e Bashkuara

Më: 24 gusht 2019 Në ora: 14:47
Foto ilustrim

Komandanti i Rojeve Revolucionare të Iranit, Hossein Salami, ka thënë se ushtria e vendit të tij e ka testuar një raketë të re, duke shtuar kështu tensionet edhe ashtu të larta me Shtetet e Bashkuara të Amerikës dhe Britaninë e Madhe.

“Vendi ynë është gjithmonë arenë për testimin e disa llojeve të sistemeve strategjike të mbrojtjes dhe këto janë lëvizje të pandalshme drejt rritjes së fuqisë sonë parandaluese”, tha gjenerali Hossein Salami.

Pa dhënë hollësi lidhur me lëshimin e raketës, ai shtoi se kjo është një ndër ditët e suksesshme për kombin e tij.

Lëshimi i raketës erdhi më pak se 48 orë nga prezantimi i sistemit të mbrojtjes ajrore me raketa tokë-ajër nga autoritetet iraniane.

Ky veprim i shtetit islamik i ka rritur tensionet me Shtetet e Bashkuara, të cilat e kanë akuzuar Iranin për sulmet ndaj anijeve me naftë në Gjirin Persik.

Irani i ka sekuestruar disa anije gjatë lundrimit të tyre në Ngushticën e Hormuzit, përfshirë anijen britanike “Stena Impero”, e cila vazhdon të mbetet e ndaluar në Iran pas konfiskimit në muajin e kaluar.

Për më tepër, Tehrani ka paralajmëruar se së shpejti do t’i tejkalojë kufijtë ndërkombëtarë për pasurimin e uraniumit në kundërshtim me marrëveshjen me fuqitë botërore, shkruan “Independent”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...