E shndërruar si një dhomë gazi, India ‘paralizohet’ nga ajri i ndotur - Bota Sot
E shndërruar si një dhomë gazi, India ‘paralizohet’ nga ajri i ndotur

Azia

E shndërruar si një dhomë gazi, India ‘paralizohet’ nga ajri i ndotur

Më: 2 nëntor 2019 Në ora: 07:13
Indi

India vazhdon të jetë një ndër vendet me ajrin më të ndotur në botë.

Në Nju Delhi si shkak i ajrit të ndotur u shpërndanë rreth 5 milionë maska në shkollat e kryeqytetit. Gjithashtu ajri i ndotur detyroi që autoritetet të shpallnin emergjëncën shëndetësore publike.

Ishte Gjykata Supreme që vendosi disa kufizime në qytet dhe dy shtete fqinje, pasi cilësia e ajrit u përkeqësua në nivel “të rëndë”.

Nivelet e grimcave të rrezikshme në ajër thuhet të jenë 20 herë më të larta se maksimumi i Organizatës Botërore të Shëndetësisë.

Shkollat e Nju Delhit u mbyllën së paku deri të martën. Të gjitha ndërtimet u ndërprenë për një javë, ndërsa qitja e fishekzjarreve u ndalua.

Nga e hëna u tha se qyteti do të prezantojë një skemë të përkohshme edhe për kufizimin e qarkullimit të makinave. Kryeministri i Nju Delhit, Arvind Kejriëal, tha se qyteti është shndërruar në një “dhomë gazi”.

Një nga arsyet kryesore për cilësinë e dobët të ajrit çdo vit në nëntor dhe dhjetor është se fermerët në shtetet fqinje, Punxhab dhe Harjana, djegin të korra për të pastruar fushat e tyre.

Arsyet e tjera përfshijnë pluhurin nga ndërtimet dhe emetimet e fabrikave dhe makinave.

Shfaq komentet
comments powered by Disqus
Sot mund të lexoni Shfletoni kopertinat