Më shumë se 30 anëtarë të ekuipazhit në një kroçierë italiane të ndaluar për riparime në prefekturën Nagasaki të Japonisë, kanë rezultuar të infektuar me koronavirus, duke ngritur shqetësimin për ndikimin tek banorët e zonës.
Grumbulli i të infektuarvë në bordin e Costa Atlantica pason rastin e lundrimit të anijes Diamond Princess në Yokohama dy muaj më parë, ku më shumë se 700 persona u zbuluan se ishin të infektuar, edhe pse këtë herë vetëm anëtarët e ekuipazhit ishin në bord.
Anija e drejtuar nga Kosta Cruises u mor në një kantier anijeje në qytetin Nagasaki, në Japoninë perëndimore, në fund të shkurtit, nga një linjë e Industrive të Rënda Mitsubishi (7011.T) pasi virusi pandemik kishte prishur planet për riparime të planifikuara në Kinë.
Anija ka 623 vetë si ekuipazh,dhe pasi u zbulua se ishte infektuar njëri, u kryen testet tek kontaktet e ngushta midis anëtarëve të ekuipazhit.
Autoritetet e prefekturës së Nagasaki të mërkurën thanë se ata kishin evidentuar gjithsej 34 infeksione në anije dhe kishin bërë thirrje për ndihmë nga qeveria qendrore për të zgjidhur problemin.
"Ka shumë infeksione në bord dhe ne nuk kemi sistemin mjekësor që të konfirmojë gjendjen shëndetësore dhe të ndajë" ata që testojnë pozitivë dhe negativë, tha guvernatori Hodo Nakamura në një konferencë për shtyp.
"Do të na duhet gjithashtu një sistem për transportimin e pacientëve. Është e vështirë për prefekturën të kryejë punë të dekontaminimit, kështu që unë dua të kërkoj mbështetjen e vendit. "
Sekretari kryesor i kabinetit të Japonisë, Yoshihide Suga, tha në një konferencë të veçantë për shtyp se Mministria e shëndetësisë po bashkëpunonte me qeverinë italiane dhe kishte dërguar në anije specialistë dhe ekspertë infeksionistë në këtë anije.
